Дэлхийн дуу хөгжмийн ертөнцийг байлдан дагуулж буй Монголын “The HU” рок хамтлаг 2019 оны 9 дүгээр сарын 11-нээс 12 дугаар сарын 7-ны өдрүүдэд АНУ-ын хотуудаар аялан тоглолтоо хийж буйтай холбогдуулан Монгол Улсаас АНУ-д суугаа Элчин сайд Ё.Отгонбаяр 9 дүгээр сарын 26-ны өдөр хүлээн авч уулзав. Энэ үеэр “The HU” хамтлагт зориулан ЭСЯ-ны зүгээс “North America Tour of Mongolian rock band The HU” арга хэмжээг амжилттай зохион байгуулав. Уг арга хэмжээнд 100 гаруй зочид төлөөлөгчид хүрэлцэн ирж Монголын соёл урлагийн үзүүлбэрийг үзэж сонирхов.
