ЭЛЧИН САЙД Ө.БАТБАЯР ЦАГААН ОРДНЫ ҮАБЗ-ИЙН ЭНЭТХЭГ-НОМХОН ДАЛАЙН АСУУДАЛ ХАРИУЦСАН ОРЛОГЧ ДР.К.КЭМПБЭЛЛ-ТЭЙ УУЛЗАВ

Элчин сайд Ө.Батбаяр Цагаан ордны ҮАБЗ-ийн Энэтхэг-Номхон далайн асуудал хариуцсан орлогч Др.К.Кэмпбэлл-тэй 2022.01.26-ны өдөр уулзаж, Монгол Улс, АНУ-ын хооронд дипломат харилцаа тогтоосны 35 жилийн ойг тохиолдуулан Монгол Улсын Ерөнхийлөгч У.Хүрэлсүхээс АНУ-ын Ерөнхийлөгч Ж.Байден-д илгээсэн илгээлтийн хувийг гардуулав.

Др.К.Кэмпбэлл ойн хүрээнд АНУ-ын Ерөнхийлөгч Ж.Байден-аас Монгол Улсын Ерөнхийлөгч У.Хүрэлсүхэд илгээсэн илгээлтийн эх хувийг Элчин сайд Ө.Батбаярт гардуулав.

Уулзалтын үеэр талууд 35 жилийн ойн мэндчилгээг харилцан солилцож, 2022 оны хамтын ажиллагааны талаар ярилцав.